【長知識】識買一定買年份呔🤭

世人話「買呔?今年2019年梗係買19年呔啦!」😏

其實,輪呔越新鮮越好呢個想法正常不過,大家去超市買牛奶都會揀支新鮮d既,去麵包鋪買麵包都會揀啱啱岀爐既,去買海鮮你都會揀最新鮮生猛黎買,買輪呔當然揀最新就最好啦!但有無留意到兩者最大既分別係咩呢?

食物係由澱粉質,蛋白質,維他命,糖等等既原素去組成,食用前無需經過穩定,即買即食。咁輪呔呢?😟

不如一齊長長小知識:根據《馬來西亞輪呔復新暨代理同業公會聯合會》會長吳金春指出,輪呔係以多種化學物品組合制成,必須經過一段時間令化學物品釋放及穩定,時間啱啱好,耐磨度先會佳。大部分車主一直認為剛出廠嘅全新輪呔先係王道,所以換呔嗰陣都向代理商要求啱啱出爐嘅輪胎,尤其年輕一代車主對輪呔構造一知半解,輪呔從業員必須大費唇舌耐心解釋吃力不討好。唔係呃你唔係整惑唔係搵笨,其實新生產嘅輪胎係需要囤積8至12個月先會進入穩定期,一味追求「新鮮」並非上策。🧐🧐

嗱我唔直接答你用例子:上個星期日有個菲律賓工人落嚟問我哋有冇19年歐洲呔,我當堂嚇一跳,然後得啖笑!我哋話未有佢就偏咗下咀走咗……其實你諗下,歐洲產品一般都係坐船,從出產至抵港閒閒哋四個月,有乜可能二月就有新鮮呔?OK你話有的是錢,用飛機訂返嚟,You win,唔係一定呃你!😛

講返年份呔,如果存放得好,三年絕對唔係問題。於是乎,Keep得好嘅年份呔一來價錢平咗,二來質素又穩定,行貨又有保障,入手先係精明眼!不如你哋又分享下買呔嘅秘笈,集思廣益一齊共建 “神姐卵呔輪能”既國度喔!

#年份呔有乜好怕 #麻木追求不如認真了解背後的原理 #唔好人講你就信 #做個精明消費者 #歡迎討論

Leave a comment